Siglir tar il cuntegn

Header

cuntegn

Surselva Rumantsch en la stizun da Lidl a Schluein

La filiala dal grossist Lidl a Schluein dovra da nov inscripziuns rumantschas per localisar las partiziuns dals products. Suondan ussa autras butias?

Il rumantsch ha survegnì in plaz prominent en la stizun da Lidl a Schluein. Las novas inscripziuns rumantschas localiseschan ils products en la stizun a Schluein e domineschan il maletg da la butia.

La sedia Svizra da Lidl haja reagì fitg nuncumplitgà e speditiv sin la dumonda da la Lia Rumantscha per midar las inscripziuns. Quai ha declerà il promotur linguistic da la Lia Rumantscha en Surselva David Flepp envers la Quotidiana. La LR è satisfatga e spera che l’agir da Lidl chattia imitaders.

Suondan autras fatschentas?

audio
Bunura: Inscripziuns rumantschas en il Lidl – Suondan er autras stizuns?
ord Actualitad dals 31.03.2017.
laschar ir. Durada: 2 minutas 27 Secundas.

Actualmain ha David Flepp contactà autras fatschentas a Glion - il Coop ed la Migros. Ils responsabels han reagì positiv e da buna speranza per collavurar ensemen en il futur. Sco emprim sto il nov bajetg dal Coop, sco era quel dal Migros vegnir bajegiads a fin. La Lia Rumantscha vegni dentant a star en bun contact cun las fatschentas da mangiativas, per promover la lingua rumantscha en il mintgadi.

RR actualitad 08:00

Artitgels legids il pli savens