Surselva - Ruinaulta en il focus dal Museum Regiunal Surselva
La chavorgia dal Rain anteriur tranter Glion e La Punt / Reichenau è per giasts ina regiun da vacanzas, per indigens dentant il lieu nua ch'els vivan e gudognan il paun da mintgadi.
Legenda:
Model da la Ruinaulta en il Museum Regiunal Surselva.
RTR, Carlo Albin
2 / 5
Legenda:
Marianne Fischbacher cun il star da l'exposiziun, la sirena da Valendau.
RTR, Carlo Albin
3 / 5
Legenda:
Exponids èn era fotografias e maletgs ord la Ruinaulta.
RTR, Carlo Albin
4 / 5
Legenda:
Ina vitrina preschenta l'exposiziun faszinatuRaum Valendau.
RTR, Carlo Albin
5 / 5
Legenda:
Era la musica da Valendau ha survegnì in plaz en l'exposiziun.
RTR, Carlo Albin
La nova exposiziun dal Museum Regiunal Surselva cun il titel «Ruinaulta - maletgs e projects» è ina sort exposiziun dubla. Tenor la curatura Marianne Fischbacher vegnan exponids d'ina vart maletgs e fotografias da la Ruinaulta, fatgs d'ina artista e dus artists da la Bassa. Da l'autra vart datti dentant era infurmaziuns sur da differents projects da l'uniun Valendau impuls, in'uniun che vul promover il svilup dal vitg.
audio
Bunura: La Ruinaulta en il focus dal Museum Regiunal Surselva
02:09 min, ord Actualitad dals 02.06.2018.
laschar ir. Durada: 2 minutas 9 Secundas.
Original da la sirena da Valendau
Il star da l'exposiziun è la figura da la sirena cun chapella, che sa chatta sin la pitga da la funtauna in lain amez Valendau. Buc ina copia, mabain la figura originala da l'onn 1760, che vegn conservada normalmain en il tschaler dal Museum Retic. Per Marianne Fischbacher in simbol per l'entira exposiziun, che collia – quasi sco ina punt – l'art cun la lavur da l'uniun Valendau impuls.
