Siglir tar il cuntegn

Surselva Rufalipark: Sanaziun da finanzas vegn betg acceptada

Be grazia la garanzia da deficit da la vischnanca Sursaissa Mundaun, po il Rufalipark pajar ses debits. Ma il pachet da mesiras per il «Rufalipark» n'è betg vegnì acceptà.

Il bajetg dal Rufalipark.
Legenda: Il manaschi dal Rufalipark dovra sustegn finanzial. RTR, Linus Livers

La vischnanca ha refusà il pachet da mesiras per sanar las finanzas dal «Rufalipark» a Misanenga (Sursaissa). La reducziun da las aczias da 1‘000 sin 200 francs ed ils 500‘000 francs novas aczias che la vischnanca avess stuì investir n'èn betg vegnidas acceptadas. Quest pachet da mesiras avess era previs ch'il credit dal chantun dà senza tschains fiss vegnì pajà enavos sin il termin e che la vischnanca da Sursaissa Mundaun avess incassà el dal manaschi Rufalipark a vista pli lunga.

RR novitads 06:00