Siglir tar il cuntegn

Header

Navigaziun

cuntegn

Surselva Rueun: Daniel Blumenthal banduna la Carnatira Janki SA

Daniel Blumenthal aveva surpiglià il presidi dal cussegl d’administraziun il december 2014. Sia emprima incumbensa era stada da sanar la fatschenta ch’era en miserias.

La raschun daco che Daniel Blumenthal ha demissiunà è, sco ch'el ha ditg a RTR, che la chemia tranter la manadra da fatschenta Margrith Janki ed el na constettia betg. Il cussegl d’administraziun na cuntanschia betg la manadra cun novas ideas ed uschia na fetschia ses presidi nagin senn pli.

Purtret da Daniel Blumnethal
Legenda: Daniel Blumenthal ha betg savì realisar sias ideas e banduna perquai la Carnatira SA. RTR, L. Livers

Sin la dumonda co ch'i stettia cun las finanzas suenter la sanaziun ha Blumnethal manegià, che quai na saja betg sia chaussa da commentar las finanzas, sch’el bandunia il cussegl d’administraziun. Sco in dals acziunaris principals da la mazlaria Carnatira Janki SA vegnia el dentant franc a tegnair en egl quellas.

Dals possessurs, la famiglia Janki, n’è nagin stà pront da dar scleriment en chaussa.