RockseDrun puspè cun musica rumantscha

A Sedrun datti danovamain in open air, e quai ils 5 e 6 d’avust.

placat da ROCKseDRUN

Legenda da maletgs: La sonda saira datti lura er musica rumantscha al ROCKseDRUN. mad

Il venderdis saira sunan las gruppas Lakeside (CH), Lino Modica (D) e Mo Blanc (CH). La sonda stat la musica rumantscha en il center cun Gus & the Garage Band, Giganto-Mattiu & Band e Pascal Gamboni & Friends.
Ils concerts cumenzan las 20.30 (avertura è da las 18.00). L’occurrenza è puspè amez il vitg da Sedrun.
L’onn passà è vegnì organisà per l’emprima giada in open air a Sedrun cun la finamira da dar surtut a la musica rumantscha ina plattafurma.