L’idea d’organisar quest eveniment saja vegnida spontanamain en discurs cun Christian Albin, el che fascheva era musica pli baud. Sco Curdin Brugger dal comité d’organisaziun ha ditg ad RTR, vegnia la glieud plitost, sche quai saja en il vitg e sch’ins na stoppia betg ir in toc a pe. Ed el spera che quai na dettia reclamaziuns pervia da la canera. Ils concerts sajan a fin anc avant mesanotg.
Visitaders cuntents
La finamira saja d’avair visitaders che sajan cuntents, di Pascal Berther che fa era part dal comité d’organisaziun. Els quintian cun 300-400 visitaders per saira. L’entrada è gratuita. Dentant mo grazia als sponsurs saja quai stà pussaivel d’organisar quest eveniment. Ed els veglian cuntinuar ed era organisar in Rock se Drun 2016 (Drun pervia da l’ual che va tras il vitg). Sonda saira sunan Pascal Gamboni - Cha da fö, Astrid Alexandre - Ursina, Severin Brugger & Gus e Rees Coray – Tricky Lee.