Cuntinuar cun intginas parts
Il project da las sendas cultural-istoricas – ch'avess collià las tschintg regiuns en il perimeter dal parc – na possian ins betg cuntinuar en la furma oriunda. Forsa dettia quai ideas per cuntinuar almain intginas parts da questas sendas, per exempel sin il tschancun dal Lucmagn ubain dal San Bernardino.
Daners dal parc èn davent
In problem saja ch’i na dettia betg pli ils 5 milliuns francs (3,5 milliuns ch’eran previs per projects ed 1,5 milliuns per las 18 plazzas) ch’il Parc Adula aveva. Cun quests daners hajan els pudì sustegnair projects da partenaris sco organisaziuns turisticas ed autras instituziuns (Sumvitg turissem, Alp Puzzetta, mirs sitgs) e projects da cultura, scienza e perscrutaziun.
S'engaschar en il svilup regiunal
Rico Tuor vul star en la regiun. El veglia s’engaschar vinavant en il svilup regiunal. En il nov Hotel Medelina èsi previs d’installar in biro per svilup regiunal, e là veglia el lavurar. Plinavant veglia el era lavurar per quest hotel en plazza parziala.
RR actualitad 08:00