Siglir tar il cuntegn

Header

Navigaziun

Tgèsa S. Vigeli a Sedrun
Legenda: La Tgèsa S. Vigeli a Sedrun pudess daventar nov dachasa da la Casa Soldanella a Rueras. ANR, H. Huonder
cuntegn

Surselva Retratg iniziativa per mantegnair Tgèsa s. Vigeli

Ils iniziants na vulan betg bloccar ils plans dal nov interessent per la Tgèsa s. Vigeli a Sedrun che vegn serrada l’auter onn.

L’iniziativa giavischava ch’i vegni examinà, sch’ins na pudess betg trair a niz la Tgèsa s. Vigeli sco abitadi assistì per glieud veglia ed integrar purschidas e servetschs per diever intern ed extern. Per far questas examinaziuns dueva ina cumissiun vegnir elegida. Curt suenter che questa iniziativa è dentant stada inoltrada era vegnì enconuschent che la Casa Soldanella a Rueras avess interess da dischlocar ses manaschi da Rueras a Sedrun en la Tgèsa s. Vigeli.

Per che quests plans possian vegnir concretisads haja l’iniziativa stuì vegnir retratga, scrivan ils iniziants en la Tuatschina. Tenor els vegnia dentant tegnì il contact cun il nov interessent per sclerir furmas communablas d’alloschament ed offertas. I vegnia a dar ulteriuras discussiuns.

L’iniziativa era vegnida inoltrada perquai che la chasa da tgira s. Vigeli vegn serrada l’auter onn ed ins quintava ch’il bajetg che tutga a la vischnanca stettia vit. Ella pretendeva da sclerir sch’ins possia trair a niz suenter la chasa sco abitadi assisti per glieud veglia empè da construir ina nova residenza da seniors sco planisà a Sedrun en in auter lieu.