Siglir tar il cuntegn
Inhalt

Surselva Retard cun la halla polivalenta a Sedrun

L’avust 2014 avevan votantas e votants da la vischnanca da Tujetsch approvà il project d’ina halla polivalenta. Ils custs: 6,3 milliuns francs.

En quest lieu sin il plaz Dulezi duess la halla polivalenta vegnir.
Legenda: En quest lieu sin il plaz Dulezi duess la halla polivalenta vegnir. RTR, H. Giger

I fiss stà previs da cumenzar a bajegiar il zercladur, di il vicepresident da Tujetsch André Schmid. Ma alura hajan els constatà che las offertas surpassian ils custs. Vul dir: las firmas avevan calculà 500’000-600'000 francs respectiv 10% dapli. Uss stoppian els ponderar, nua ch'ins possia far midadas vi dal project.

Ma quest retard haja era avantatgs. Quest atun po l’energia alpina furar sondas, uschia ch’ins cumenza primavaira 2016 a bajegiar la halla polivalenta. Quella duess esser finida l’atun 2017. Ella vegn realisada sin plaz Dulezi tranter la plazza da tennis e la chasa communala a Sedrun.