Il luf che la surveglianza da chatscha ha sajettà mez schaner en la Cadi n’è betg in descendent dal triep da Stagias ed era betg d’in auter triep dal Grischun, quai haja mussà l’examinaziun da DNA da l'universitad da Losanna, ha communitgà l’Uffizi da chatscha.
I sa tracta dal mastgel M196 che aveva radund 3 onns. Quest luf veva era stgarpà l’october 2021 a Mompé Medel in vadè. Sajettà quest luf vevan ins perquai ch’i veva dà durant emnas adina puspè inscunters preoccupant tranter il luf e persunas en territoris d’abitadi.