Siglir tar il cuntegn
Inhalt

Surselva Respect da las sfidas dal futur

La fundaziun PUNTREIS ed il cussegl d’administraziun PUNTREIS Center da sanadad SA examineschan la strategia per manar las chasas da tgira da Mustér e Sedrun, e pli tard era la residenza da seniors a Sedrun. Examinà vegn era la surdada da quests manaschis a ad ina fatschenta spezialisada.

Chasa da tgira a Mustér.
Legenda: Chasa da tgira a Mustér. RTR, G. Hosang

Il manaschi da PUNTREIS Center da sanadad SA funcziuneschia bain ed era il quint da manaschi sa laschia vesair, ha ditg Peter Binz, president dal cussegl d’administraziun. Els na sajan insumma betg sut squitsch da far midadas vid la strategia. Il svilup en il sectur da tgira ed en vista al futur saja dentant da far ponderaziuns, avant ch’ins stoppia.

En discussiun stat era la surdada dal manaschi a SENIOcare, che maina gia 28 chasas da tgira en Svizra. Duas da questas era en il Grischun. L’avantatg d’uschia ina soluziun saja, ch’ina tala firma haja ina fitg gronda cumpetenza en il sectur da tgira. Ella possia porscher scolaziuns internas ed era surmuntar stretgas da persunal, di Peter Binz. Tar ina surdada dal manaschi stuess la SENIOcare era surpigliar la cunvegna da prestaziun da las vischnancas da la Sursassiala. Peter Binz manegia ch’ins na s’encuraschass betg questa midada en las chasas da tgira.

Anc decidì nagut

Sco Peter Binz ha ditg avess ina surdada dal manaschi ad ina fatschenta era betg ina influenza per il collavuraturs. Tenor el dessi naginas relaschadas. Era per il nov elegì maina fatschenta Diego Deplazes haja quai nagina influenza. Era quel pudessi manar vinavant la chasa tar ina surpigliada entras SENIOcare.

L’examinaziun da la strategia cuzza almain fin la fin da l’onn. Pir suenter vegn decidì sch’il manaschi vegn surdà ad ina firma spezialisada u sche la PUNTREIS Center da sanadad SA maina il manaschi.

RR novitads 12:00