Siglir tar il cuntegn
cuntegn

Surselva Residenza d’attempads a Glion in pass vinavant

Dasper il Spital regiunal Surselva duai vegnir bajegià tranter 60 e 70 abitaziuns per attempads. L'investidra principala da la surbajegiada è la Nocasa Management da construcziun SA.

La citad da Glion cun vista en direcziun dal spital cun ils bajetgs existents plus la visualisaziun da la nova surbajegiada.
Legenda: Il project da Conradin Clavuot è vegnì elegì per la surbajegiada sper il Spital regiunal Surselva. mad

Il project duai vegnir realisà dal biro d’architectura da Conradin Clavuot da Cuira. Sco quai che Flurin Candinas il responsabel per il project ha communitgà, na stoppian els betg quintar che la protecziun da la patria fetschia recurs.

La claustra veglia da las sora dominicanas vegn mantegnida ed integrada en il project. Per realisar la surbajegiada vegn fatg quint cun custs da radund 35 milliuns francs.

RR novitad 06:00