Siglir tar il cuntegn

Header

cuntegn

Surselva Requirents d'asil fan lavur cumina

Dapi ils 27 da fanadur èn requirents d’asil puspè – suenter 2013 – en il bajetg dal militar sin il pass dal Lucmagn. La vischnanca da Medel organisescha per els in program da lavur.

Requirents d'asil durant la lavur en Val Cristallina.
Legenda: Requirents d'asil durant la lavur en Val Cristallina. RTR, H. Giger

Uschia nizzegian intgins dals umens giuvens la chaschun d’ir a reparar e schubregiar vias, sendas e pastgiras.

Dacurt è ina gruppa stada en Val Cristallina a rimnar plantas che creschan en la pastgira. In dals requirents d’asil, in giuven da 26 onns, ha raquintà ad RTR sur da la situaziun en sia terra, en l’Afghanistan, e co ch'el saja fugì. Pliras giadas n'hajan els gì nagut da magliar e da baiver e fissan bunamain morts. Per la vischnanca da Medel han las lavurs dals requirents d’asil era in tschertg avantatg, sco il gerau Marius Flepp ha ditg.

audio
Bunura: Requirents d’asil fan lavur cumina
ord Actualitad dals 06.10.2015.
laschar ir. Durada: 11 Secundas.

Spetgar sin ina decisiun

Il center d’asil sin il pass dal Lucmagn appartegna a l’uffizi federal per migraziun. Là spetgan ils umens giuvens tge che vegn decidì e sch’els dastgan star en Svizra. En media èn tranter 70-80 persunas per di là. La dimora da mintga singula persuna cuzza maximalmain 5 emnas. Ina firma da segirtad è preschenta durant 24 uras.

Il center vegn probabel serrà puspè ils 18 d’october.

Artitgels legids il pli savens