Siglir tar il cuntegn

Header

cuntegn

Surselva Requirents d'asil arrivan tenor plan a Mustér

Il center per requirents d'asil en il hostel Cucagna a Mustér duai vegnir avert sco previs la fin da matg. Quai ha confermà Marcel Suter da l'Uffizi chantunal da migraziun envers l'Agentura da novitads rumantscha.

Davart il dumber dals requirents d'asil che vegnan sut tetg a Mustér n'ha Suter anc pudì far naginas indicaziuns. Quai dependia da la situaziun actuala.

Hostel Cucagna - l'anteriur Hotel Bellavista - duai dar suttetg a requirents d'asil.
Legenda: Hostel Cucagna - l'anteriur Hotel Bellavista - duai dar suttetg a requirents d'asil. ANR, H. Huonder

Tge ch'è però cler è che surtut persunas singulas ed intginas famiglias cun uffants pitschens prendan dimora en l'hostel entamez il vitg. Tenor experientscha saja in tal manaschi maschadà cun famiglias e persunas singulas pli ruassaivel.

Plinavant ha Marcel Suter ditg che las adattaziuns dals bajetgs vegnian actualmain fatgas, tranter auter er quellas che pertutgian las directivas da la polizia da fieu.

RR novitads 16:00

Artitgels legids il pli savens