Siglir tar il cuntegn

Header

video
Renovaziun ed engrondiment da la chamona da Biferten
Or da Telesguard dals 23.06.2015.
laschar ir. Durada: 3 minutas 41 Secundas.
cuntegn

Surselva Renovaziun miaivla da la chamona Biferten

Dapi 1928 dat è la chamona da Biferten, ina simpla chamona en la muntogna sut il Muot da Rubi "Kistenstöckli". 24 persunas han plaz en questa chamona ch’è sin prest 2500 meters sur mar.

audio
Sanaziun da la chamona Biferten
ord Actualitad dals 23.06.2015.
laschar ir. Durada: 4 minutas 6 Secundas.

La chamona da Biferten generescha 850 pernottaziuns per onn e vegn era frequentada stediamain da osps dal di. Ussa duai la chamona vegnir renovada ed engrondida. I vegn a dar ina prolungaziun da la tegia encunter vest e quai tut en lain. La cuschina, la stiva ed ina chombra per il guardia chamona vegnan en quest tract nov. Il tract vegl vegn renovà ed inqual partiziun vegn fatga da nov.

Ils plaz da durmir na vegnan betg augmentads. La chamona vegn era vinavant ad aviar plaz per 24 persunas. Ils custs èn calculads cun 600'000 francs. Ils architects Ulrike e Roman Hörler da Basilea èn responsabels per questa renovaziun. Sco quai che Ulrike Hörler di mancan anc 200’000 francs. La renovaziun duai cumenzar la stad 2016 ed i resta pia anc in onn da rimnar quels daners.

Artitgels legids il pli savens