Il chantun Grischun haja intimà da cumenzar, grazia al bun progress da las activitads per recaltgar ils daners, gia in onn pli baud cun la restauraziun da la baselgia da S. Martin. Cumenzà vegn cun la fatschada sid da la baselgia da S. Martin, ch’è dapi l’october 2014 enzugliada cun in palancà. Questa emprima etappa custa 2,3 milliuns. Il chantun e la confederaziun sustegnan questa part cun 800’000 francs. Il rest vegn finanzià cun daners rimnads aposta per la renovaziun.
Las lavurs da restauraziun cumenzan cun crear in access al plazzal e l’installaziun da quel. En in emprim pass vegn la liadira ch’è vegnida donnegiada entras aua e glatsch allontanada. Silsuenter vegn la fatschada schubregiada. Cura che quai è fatg vegn cumenzà cun la restauraziun sco tala. Sco ultim vegnan lura las lavurs da stagner fatgas.
Ulteriuras etappas
En ina secunda etappa vegnan las fatschadas ost e nord restauradas. Las lavurs persuenter duain cumenzar l’auter onn. La restauraziun interna da la baselgia è la terza etappa e quella vegn realisada 2018/2019. En tut quintan ins cun 15 milliuns francs per la renovaziun da la baselgia da S. Martin.