La radunanza generala dal District da cant Surselva ha elegì René Buchli da Laax sco nov president. El succeda ad Ewald Vinzens da Ruschein che ha presidià l'uniun ils ultims 15 onns. A l'uniun fan part actualmain 35 chors (27 chors maschadads ed 8 chors virils). Latiers vegnan anc 4 chors d'uffants.
Plaz limità per emna da chant per uffants e scolars
In dals puncts da lavur impurtants dal District da cant Surselva è l'organisaziun da la 20avla ediziun da l'emna da chant per uffants e scolars che ha lieu la fin da fanadur. Pervia dal grond interess ha il dumber da participantas e participants stuì vegnì limità sin 100 persunas.
RR novitads 16:00