Siglir tar il cuntegn

Header

cuntegn

Surselva Renaschientscha dal tschaiver a Glion è stada success

Var 500 persunas èn stadas al bal da tschaiver a Glion. Per ils organisaturs munta quai ch'il tschaiver ha mancà e duai cuntinuar.

Per Stefan Arpagaus, il president da las Grischalottas, ch'ha organisà il tschaiver a Glion èsi in success cumplain. Il dumber da persunas che sajan stadas tant la saira sco era tar ils concerts da plaz hajan mussà che l'interess saja qua. Sche quel saja avant maun, lura fetschia quai era plaschair d'organisar. El haja bain da discutar quai cun ils commembers, ma el manegia ch'i vegnia a dar ina cuntinuaziun.

audio
Bunura: Tschaiver Glion – È il fieu da tschaiver puspè qua?
ord Actualitad dals 29.01.2018.
laschar ir. Durada: 3 minutas 28 Secundas.
A blers ha il tschaiver a Glion mancà.
Legenda: A blers ha il tschaiver a Glion mancà. RTR, Gion Hosang

Er da la vart dals visitaders è il resun fitg positiv. Ad intgins ha il tschaiver propi mancà ils ultims sis onns. Ed uschia èn ins pli che led ch'i vegn puspè organisà il tschaiver. Tar ina citad sco Glion tutgia il tschaiver vitiers. Cuntent èn ils visitaders era stads cun l'organisaziun.

Ina chaussa che para dentant da mancar è il til da tschaiver ch'i deva era ina giada a Glion. Sco Stefan Arpagaus di, fiss quai era in giavisch da lur vart da puspè pudair organisar in til da tschaiver a Glion.

RR actualitad 08:00

Artitgels legids il pli savens