Siglir tar il cuntegn
Inhalt

Surselva Remo Stoffel daventa acziunari grond en USA

Remo Stoffel tegna da nov 10% da las aczias dal concern da latg, Dean Foods cun sedia a Dallas, en il stadi da Texas. Quai sur sia societad da participaziun VV Value Vals. Quai scriva la «Handelszeitung».

Purtret da Remo Stoffel
Legenda: Remo Stoffel investescha en in elavuratur da products da latg en ils Stadis Unids. Keystone

Dean Foods è il pli grond elavuratur da latg en ils Stadis Unids. Quai cun 16'000 collavuraturs ed ina svieuta da 7,8 milliardas dollars. Dapi l'ultim november ha Remo Stoffel bajegià or successivamain sia cumpart a Dean. Ussa tegna el 9,1 milliuns aczias tar in pretsch da 90,5 milliuns dollars.

Ins stettia en contact cun il management davart il svilup, quai scriva il cussegl d'administraziun e schef da Priora, Hans-Peter Domanig. Domanig ed era Dean Foods na s'expriman betg davart l'acziunari grond.

Era Stoffel na di anc nagut davart sia investiziun en l'economia da latg americana. El haja sviluppà sias activitads cun attenziun e pass per pass. Dapli na dettia il mument betg da dir, ha Stoffel laschà drizzar ora a scrit.

RR novitads 17:00