Siglir tar il cuntegn

Header

Navigaziun

Purtret dal logo da la Regiun Surselva.
Legenda: La conferenza da la Regiun Surselva ha decidì da sustegnair ina candidatura grischuna per gieus olimpics. RTR/regiunsurselva.ch
cuntegn

Surselva Regiun Surselva sustegn candidatura grischuna per gieus olimpics

La conferenza dals presidents da la regiun Surselva sustegna unanimamain ina candidatura grischuna da gieus olimpics. Ina tala pudess svegliar la populaziun e dar schlantsch da crair en in avegnir prosperaivel, uschia communitgescha la conferenza.

In argument impurtant per sustegnair ina candidatura grischuna saja er ch'ils gieus olimpics 2026 duain vegnir organisads a moda decentrala. Sper ils quatter centers San Murezzan, Cuira, Tavau e Turitg èn era Laax, Arosa/Lai sco era Nossadunaun ed Engelberg previs sco loghens per l'occurenza.

A Laax fiss previs da far intginas disciplinas. Cumpareglià cun l'ultima candidatura per gieus olimpics sappian ins qua discurrer d'ina candidatura equilibrada sin las regiuns. La conferenza è persvadida ch'i dettia cun questa candidatura emprims impuls persistents per il Grischun e per la Surselva.

La Regiun Surselva scriva era vinavant ch'i sajan pertscharts ch'i saja enfin uss be da votar davart il credit da 25 milliuns francs per la candidatura, dentant speran els ch'i gartegia. En l'interess da la giuventetgna e da la cumpatibilitad.

Il pievel grischun votescha ils 12 da favrer d'in credit da 25 milliuns franc per ina candidatura grischuna.

RR novitads 17:00