Siglir tar il cuntegn

Header

cuntegn

Regiun Surselva Intervenziun directa tar Sommaruga

Ils 15 presidents e presidentas communalas da la regiun Surselva giavischan da la cussegliera federala ina regulaziun dals lufs.

La reacziun dals presidents e da las presidentas communalas da la Surselva sin las temas dalla puraglia sursilvana è stada pronta. En ina brev a la cussegliera federala Simonetta Sommaruga fan els attent, che la Surselva ha in problem cun ina surpopulaziun da lufs.

La regulaziun dals lufs stoppia vegnir a moda pli sperta. Il Cussegl federal duai perquai reducir il dumber d'animals stgarpads, ch'i dovra per dar la lubientscha da sajettar il luf. E sch'i vegn stgarpà muvel grond sco vatgas u asens, lura duain valair autras limitas che per nursas. Enst Sax il president da la regiun Surselva fa valair, che l'agricultura ed il turissem vegnian a patir considerablamain – sche las pussaivladads d’intervegnir envers la populaziun dals lufs na sajan betg avant maun.

RTR novitads 17:00

Artitgels legids il pli savens