Siglir tar il cuntegn

Surselva Regals da la davosa minuta

Cumprar regals da Nadal la davosa minuta è in stress. Perquai han blers gia cumprà ils regals avant emnas. I dovra simplamain ina buna planisaziun.

Regals da Nadal.
Legenda: Regals da Nadal. pixelio

Las Sursilvanas ed ils Sursilvans san planisar lur cumpra dals regals da Nadal. Ina curta retschertga sin via ha mussà, che la gronda part ha gia cumenzà cun las preparativas avant emnas e cumprà ils regals ad uras. Uss è tut pront ed els pon giudair ils davos dis avant Nadal senza stress.

Online e betg online

Ils tals che n'han anc betg cumprà ils regals, ston acceptar ch'i ha in zic dapli persunas en las stizuns quels dis. Buc ina situaziun empernaivla per far cumissiuns. L’alternativa fiss da cumprar en online, era ils regals da Nadal.

Quai fan dentant mo paucas e plitost giuvnas persunas. La maioritad preferescha anc adina butias e negozis. Ils gronds avantatgs: Ins sa tutgar la rauba e mintgatant dar ina baterlada cun in’autra persuna.