Siglir tar il cuntegn

Header

audio
La fusiun cun Laax e Sagogn è sin ballantscha
Or da Actualitad dals 23.11.2022.
laschar ir. Durada: 2 minutas 41 Secundas.
cuntegn

Radunanza communala Schluein La fusiun cun Laax e Sagogn è sin ballantscha

La radunanza communala da Schluein è mardi saira anc ina giada vegnida infurmada pertutgant il contract da fusiun da las vischnancas da Laax, Sagogn e Schluein. La cumissiun e la suprastanza n'èn betg dal medem avis cura ch'i va per la fusiun. Ils 27 da schaner 2023 va il contract en votaziun.

L'incumbensa dad anc ina giada  giuditgar avantatgs e dischavantatgs d'ina fusiun avevan ils da Schluein prendì a chaschun da la radunanza d'infurmaziun ils 27 d'october 2022.

Cumissiun è sceptica

La cumissiun da trais persunas ch'ha giuditgà il contract da fusiun è vegnida a la conclusiun ch'ina fusiun purtass per Schluein dapli dischavantatgs che avantatgs. Uschia ha il commember da la cumissiun, Adrian Maissen, infurmà la radunanza che la facultad per persuna sa sminuiss cun ina fusiun dad actualmain 22'000 francs sin 13'000 francs suenter ina fusiun.

Era la valita da las immobiglias vegnia tenor Maissen a sa sminuir en avegnir perquai che Schluein perdess cun la fusiun ses avantatgs d'ina taglia bassa che la vischnanca ha oz envers la vischnanca da Sagogn. Sagogn percunter daventass la perla en questa fusiun e vegniss a profitar il pli fitg. Cun quella posiziun sceptica stat l'opiniun da la cumissiun ch'ha giuditgà il contract en cuntradicziun cun la posiziun da la suprastanza communala da Schluein ch'aveva proponì da dir Gea a la fusiun planisada da las vischnancas da Laax, Sagogn e Schluein.

RTR novitads 06:00

Artitgels legids il pli savens

Scrollar a sanestra Scrollar a dretga