Cun quai stan da Radical Sportscars svizra pon ins er dir che dus autos da Trun/Darvella han chattà la via a Genevra.
Che la firma Radical è preschenta quest onn al salun d’autos Genevra è sco in siemi per Pieder Decurtins che maina ensemen cun ses collega Claudio Albin la filiala dals autos da sport Radical per la svizra. Quai pass davent da la Surselva sin ina da las pli impurtantas exposiziuns d'autos dal mund pudess esser in pass decisiv per la firma grischuna. Fatg pussaivel quai a la pitschna interpresa svizra da Trun/Darvella ha la firma che producescha ils autos Radical en l’Engalterra.
Al salun d’autos a Genevra vegnan preschentads dus autos. In da quels è in auto per ir sin via e l’auter è in auto da sport lubì sulettamain sin pistas dad autos.