Siglir tar il cuntegn
cuntegn

Surselva Rabius: Project da Löser a la fin?

Il placat è montà dapi in temp a l'ur da la via chantunala a Rabius. Là èsi scrit ch’i dettia nov abitaziuns (mintgamai trais abitaziuns da 2,5, 3,5 e 4,5 stanzas) ed ina garascha sutterana. Ma uss è il termin da bajegiar scadì.

Il plaz nua che Jörg Löser vul bajegiar duas chasas cun abitaziuns.
Legenda: Il plaz nua che Jörg Löser vul bajegiar duas chasas cun abitaziuns. Grafica: RTR, Foto: RTR, Hubert Deragisch

Metter en urden il plaz

Fin ils 31 d’october avess l’investider da Cuira Jörg Löser stuì cumenzar a bajegiar sin quest plaz. Ma nagut è capità e perquai vul la cumissiun da bajegiar da la vischnanca da Sumvitg scriver ina brev a Löser. Quai ha il president da la cumissiun, Martin Bundi ditg ad RTR. L’investider stoppia metter en urden il plaz enfin matg 2017.

La parcella da Löser a Rabius, in plazzal cuvert cun chagliom ed ina part d'in mir spazzà.
Legenda: Quest plaz sto uss vegnir mess en urden. RTR, Hubert Giger

Betg optimistics

Jörg Löser ha era la pussaivladad da preschentar in nov project. El sto dentant pajar ina taxa per mintga lubientscha da bajegiar. Martin Bundi ha ditg che la cumissiun da bajegiar na saja betg optimistica ch’i vegnia bajegià insatge sin quest plaz.

RTR n’ha betg cuntanschì Jörg Löser. En in rapport dal zercladur 2016 aveva el preschentà ses project ed era menziunà, ch’i na saja betg simpel da finanziar il project.

RR actualitad 07:00