Siglir tar il cuntegn
Inhalt

Surselva Quint annual da Glion serra meglier che spetgà

A chaschun da la sesida dals 21 da zercladur 2017 ha il parlament communal Ilanz/Glion approvà unanimamain il rapport da gestiun ed il quint annual da vischnanca. Il quint annual 2016 serra cun in surpli d’entradas da 1,6 milliuns francs.

Glion
Legenda: Bun onn 2016 per Glion. RTR

Il preventiv communal 2016 quintava cun ina sperdita da 540'000 francs. Il resultat positiv en cumparegliaziun cun il preventiv per 2016 saja d’attribuir ad ina buna disciplina da preventiv da tut ils participads.

Las investiziuns netto per il 2016 muntan a 3,6 milliuns francs.

Malgrà il resultat positiv stoppia vegnì considerà ch’il basegns d’investiziuns, surtut tar las infrastructuras, saja vinavant fitg gronds ils proxims onns. Vinavant ha il parlament communal approvà ils quints da las meglieraziuns da Pigniu e da Schnaus.

RR novitads 08.00