Siglir tar il cuntegn
Inhalt

Surselva Puntreis serra quint 2015 cun gudogn

Il quint da manaschi 2015 da Puntreis Center sa sanadad SA serra cun in gudogn da 120'000 francs.

Chasa da tgira a Mustér
Legenda: Chasa da tgira a Mustér, ina da las chasas da tgira che Puntreis Center da sanadad SA maina. RTR, G. Hosang

Puntrais cun las duas chasas da tgira a Mustér e Sedrun ha fatg ina svieuta da rodund 7,5 milliuns francs. Sco Puntreis communitgescha, sajan cun prest 5,5 milliuns francs ils custs da persunal, il pli grond post da custs. Tant la chasa da tgira a Mustér sco la Tgèsa s. Vigeli a Sedrun sajan stadas occupadas fitg bain l’onn passà.

L’onn 2015 saja stà l’emprim onn da manaschi cumplain cun las duas chasas a Mustér e Sedrun. Uschia hajan las structuras da manaschi pudì crescher e fitgar pè, scriva Puntreis vinavant. Cun l’entschatta october ha il nov maina fatschentà Diego Deplazes surprendì ses post cun in pensum da 50%. Davent da l’entschatta da l’onn maina el en plazza cumplaina las duas chasas da tgira. En il cussegl d’administraziun da Puntreis Center da sanadad SA, hai dà ina midada. Peter Hüssy da Sedrun remplazza Karin Bär da Rueras.