Siglir tar il cuntegn

Header

Navigaziun

Lai da fermada Zervreila.
Legenda: Lai da fermada Zervreila. RTR, S. Derungs
cuntegn

Surselva Project da las OE Zervreila in cas per la Dretgira federala

Organisaziuns per la protecziun d'ambient cumbattan vinavant il project per tschiffar aua entadim la Val Lumnezia.

Cunter il project sa mettan las organisaziuns WWF Grischun e la Pro Natura, sco era la Federaziun chantunala dals pestgaders grischuns. Ellas fan recurs tar il Tribunal federal svizzer a Losanna. Il project prevesa da tschiffar aua en 5 lieus entadim la Val Lumnezia, e da manar quell’aua tras ina galaria da 13 kilometers en il lai da regulaziun a Zervreila.

Proteger il Glogn

Las organisaziuns d’ambient grischunas èn cunter il project, per evitar ch’il flum dal Glogn perdia anc dapli aua. Aua che spisgentia il Rain anteriur, e che mancass pervi dal project per exempel per las litgivas da lai. Quai di Anita Mazzetta, la maina-fatschenta dal WWF Grischun e pledadra per tut las organisaziuns.

Gia fatg las lezias

Las ovras electricas Zervreila èn surstadas dal pass da las organisaziuns d’ambient grischunas. Cunzunt perquai che las ovras hajan gia fatg l’examinaziun ecologica, sco il directur da las OE Zervreila Clemens Hasler ha ditg a Radiotelevisiun Svizra Rumantscha.

Omaduas partidas quintan che la Dretgira federala decidia pir en radund 2 onns.