Siglir tar il cuntegn

Header

cuntegn

Surselva Procura publica sa fatschenta cun l'attatga da vatgas mamma

Uss sa fatschenta la Procura publica grischuna cun l'attatga da vatgas a Laax. Quai ha il president communal da Laax Franz Gschwend ditg ad RTR. La procura publica sclerescha las circumstanzas da la mort da la turista da 77 onns. Entant ha la vischnanca da Laax prendì emprimas mesiras.

audio
Mezdi: Accident mortal Laax - saivs enturn sendas
ord Actualitad dals 03.08.2015.
laschar ir. Durada: 2 minutas 22 Secundas.

Sco quai che la Polizia chantunala scriva eria la dunna da viadi da l'ustaria «Nagens» en direcziun da la staziun «Grauberg». La dunna da 77 onns haja vulì passar tranter il muvel che sa chattava sin ina pastgira cun ina saiv. Qua hajan pliras vatgas attatgà e bittà ella giun plaun.

In mountainbiker ch'ha observà l'accident ha alarmà la Rega. Malgrà las emprovas da reanimaziun è la dunna anc morta al lieu.

Emprimas mesiras da la vischnanca da Laax

Il president da vischnanca da Laax, Franz Gschwend, ha dà scleriment ad SRF.

Sco emprima mesira hajan ins uss spustà la saiv, numnadamain davent da la senda principala da viandar. La vischnanca vegnia ad evaluar ulteriuras mesiras da segirtad.

audio
Saira: Accident mortal Laax - vischnanca e turissem
ord Actualitad dals 03.08.2015.
laschar ir. Durada: 1 minuta 34 Secundas.

Tenor Geschwend haja fin qua anc mai dà in tal accident. El haja visità il lieu da l'accident per sa persvader che las mesiras da segirtad necessarias sajan stadas ademplidas. Gschwend ha accentuà che la saiv saja stada erigida tenor prescripziuns e tuttina sco autras saivs en il chantun Grischun.

RR novitads 14:00 / 17:00

Artitgels legids il pli savens