Siglir tar il cuntegn

Header

Navigaziun

In luf para d'esser stà en Val Russein.
Legenda: In luf para d'esser stà en Val Russein. Keystone
cuntegn

Surselva Probabel donns d’in luf en Val Russein

Sin l'alp Cavrein a Mustér èn vegnidas stgarpadas l'emna passada trais nursas. Sco quai ch'il guardiaselvaschina ha ditg a l'agentura da novitads rumantscha ANR pudess in luf pudair avair mazzà las nursas.

Sco il guardiaselvaschina da Mustér Thomas Durschei ha ditg a l’ANR hajan els prendì uss emprovas per ina analisa genetica ma quai duria almain duas fin a trais emnas enfin ch’ins sa cumprovar tge animal ch’igl è stà. Ma ils indizis co las nursas eran mazzadas pudessan esser fastiz d’in luf, ha ditg Durschei. Ils responsabels han sinaquai stgargià l'alp da nursas glindesdi quatter dis avant il termin previs.

L’ultim temp vis nagin luf a Mustér

Sco Durschei ha ditg haja nagin vis l’ultim temp in luf sin intschess da la vischnanca da Mustér. L’entschatta matg da quest onn aveva in luf stgarpà pliras nursas a Quadras sin territori da Mustér. La primavaira era in luf adina puspè vegnì constatà.

RR novitads 17:00