Siglir tar il cuntegn

Surselva Pro Natura fa vinavant opposiziun

La Pro Natura cumbatta vinavant ina senda tras l’entira Ruinaulta, era sch’i vegniss construì atras il grip da Ransun in tunnel. Quai ha la manadra da fatschenta Jacqueline von Arx ditg sin dumonda da RTR.

La Ruinaulta.
Legenda: Il parlament regiunal da la Surselva accepta la senda da viandar tras l'entira Ruinaulta cun in tunnel. Keystone

Encunter il plan directiv n’hajan ins betg la pussaivladad da recurrer. Ins sappia però far protesta encunter revisiuns da planisaziuns localas u encunter la dumonda da bajegiar, uschè prest sco quella saja inoltrada.

Parlament regiunal vul midar il plan directiv

Il parlament regiunal da la Surselva ha decis da midar il plan directiv regiunal «monument da la natira Ruinaulta». El ha acceptà la proposta da planisar ina senda da viandar tras l'entira Ruinaulta cun in tunnel sut il grip da Ransun e da crear in servetsch da rangers per la Ruinaulta.

Regenza grischuna decida

Sco proxim sto la regenza integrar las midadas en il plan directiv dal chantun ed era la vischnanca da Trin sto midar ses plan d’utilisaziun, per uschia pussibilitar ina planisaziun detagliada dal project.

RR novitads 06:00