Claudio Quinter (AdC) ha confermà a RTR ch'el è pront da candidar per il presidi communal da Glion. El haja discutà la situaziun cun sia familia ed è persvas d'ademplir las premissas per daventar successur da Carmelia Maissen (AdC) che cumenza il schaner ses uffizi en la regenza grischuna.
audio
Claudio Quinter sa senta capabel, e spetga sin la nominaziun da la partida
aus RTR Audio vom 23.06.2022.
abspielen. Laufzeit 24 Sekunden.
Quinter è actualmain commember dal parlament da Glion e mainafatschenta d'ina firma d'immobiglias. Sco el ha ditg dovria el anc la nominaziun uffiziala da sia partida per pudair candidar. Quai duess dentant esser sulet ina chaussa formala.
L'elecziun dal nov president u da la nova presidenta communala da Glion è ils 21 d'avust.