President dal Cussegl naziunal - Martin Candinas è vegnì festivà a Mustér
Glindesdi è Martin Candinas da l'Allianza dal Center vegnì elegì sco president dal Cussegl naziunal. El è uschia per in onn il pli aut Svizzer. Cun quai è il Sursilvan da 42 onns il 6avel Grischun en quest post. L'elecziun da Candinas vegn festivada en differents lieus.
Mesemna suentermezdi hai dà a Mustér in act festiv cun in cortegi ed ina festa en la baselgia claustrala. In tren spezial cun Martin Candinas è charrà sur Andermatt a Mustér. El è arrivà las 14:00 e vegnì beneventà dal president dal Cussegl grond Tarzisius Caviezel ed ils presidents da Mustér, Sumvitg e Cuira. Era delegaziuns dals chantuns Appenzell, Argovia, Tessin, Uri e Schaffusa eran preschentas per l'occasiun speziala.
03:31
video
Festa per il nov president dal Cussegl naziunal Martin Candinas
Or da Telesguard dals 30.11.2022.
laschar ir. Durada: 3 minutas 31 Secundas.
Silsuenter hai dà in cortegi accumpagnà d'uniuns da musica sursilvanas da la staziun a la baselgia claustrala nua che la part principala da la festa ha gì lieu – tranter auter cun pleds dal president da la regenza grischuna Marcus Caduff, cussegliera federala Viola Amherd ed accumpagnament musical da Mario Pacchioli e la sopranista Bettina Marugg-Herrmann cun il chor dal gimnasi da Mustér.
audio
Martin Candinas: La delegaziun da Berna da viadi a Mustér
04:11 min, ord Actualitad dals 30.11.2022.
Maletg: RTR, Adrian Camartin
laschar ir. Durada: 4 minutas 11 Secundas.
audio
Martin Candinas: resumaziun da l'act festiv
05:23 min, ord Actualitad dals 30.11.2022.
Maletg: RTR
laschar ir. Durada: 5 minutas 23 Secundas.
Impressiuns da las festivitads
1 / 9
Legenda:
RTR
2 / 9
Legenda:
RTR
3 / 9
Legenda:
Keystone
4 / 9
Legenda:
Keystone
5 / 9
Legenda:
Cussegliera federala Viola Amherd surdat in cristal da muntogna al president novelegì.
Keystone
6 / 9
Legenda:
Il tren spezial parta a Berna.
RTR, Adrian Camartin
7 / 9
Legenda:
Martin Candinas e cussegliera federala Viola Amherd.
RTR, Adrian Camartin
8 / 9
Legenda:
Martin Candinas en il tren cun cussegliera federala Viola Amherd ed il president da la regenza grischuna Marcus Caduff.
RTR, Adrian Camartin
9 / 9
Legenda:
Extract or da la carta da menu.
RTR, Adrian Camartin
Martin Candinas
Avrir la boxSerrar la box
dapi 2011 cusseglier naziunal da l'AdC/PCD
commember da la cumissiun per traffic e telecommunicaziun
commember da la cumissiun per la politica da segirezza
lavura sco spezialist da segiradas
ha 42 onns ed è bab da trais uffants
Suenter las festivitads en la baselgia ha lieu in aperitiv per la populaziun sin la plazza da la claustra. Sonda suonda lura la festa en la patria da Martin Candinas a Rabius.
Davos las culissas da la festa
1 / 4
Legenda:
La baselgia claustrala è pronta.
RTR
2 / 4
Legenda:
Mario Pacchioli vegn a chantar suenter las trais.
RTR
