Siglir tar il cuntegn

Header

Navigaziun

Legenda: Guardar il video Premiera dal film «Gotthard» per ils da Valendau. Durada 02:37 minutas.
Or da Actualitad video dals 20.11.2016.
cuntegn

Surselva Premiera dal film «Gotthard» per ils da Valendau

Avant ch’il film documentar «Gotthard» vegn en televisiun ha la fundaziun «Valendas Impuls» envidà ils abitants e statists da Valendau la sonda passada a Kino a Glion. Valendau è stà culissa per Göschenen – tranter auter pervi da las numerusas chasas veglias.

Ch’ils da Valendau han pudì giudair il film uschia baud han els d’engraziar a la suprastanza da la fundaziun. Quella aveva be lubì da producir il film a Valendau sch’ils abitants survegnian il dretg da vesair il film pli baud.

Film producì en occasiun da l’avertura da la NEAT

Il film è in’ovra da trais uras, che mussa sut tgeninas circumstanzas che l’emprim tunnel tras il Gottard è vegnì construì avant passa 140 onns.

En la televisiun vegn mussà il film en occasiun da la surdada dal nov tunnel da basa al traffic. Quella è previs ils 11 da december.

RR actualitad 08:00