El haja demissiunà sin ils 31 da mars 2017. Il motiv saja ch’el giaja a star a Cuira, e quai na saja betg pussaivel dad esser president dad ina partida, sch’ins n' abiteschia betg là nua che la partida e la glieud saja, surtut era per avair contacts cun la populaziun.
Far vegnir pli enconuschenta la PPS Surselva
Sia finamira saja stà da far vegnir pli enconuschenta la partida populara en Surselva. Quai saja reussì, ha Pablo Maissen ditg ad RTR. Il mument maina Roman Müller da Breil la pps da la Surselva sco president ad interim. A la proxima radunanza general vul ins occupar puspè il post da president.
Fermas secziuns
Il pledader da la partida populara dal Grischun Beda Egger di che la partida mamma na intervegnia betg en ils fatgs da las secziuns. Impurtant saja ch’i dettia fermas secziuns cun ina suprastanza che funcziunia.
RR actualitad 11:00