Siglir tar il cuntegn

Header

cuntegn

Surselva Possessurs da segundas abitaziuns a Mustér s'uneschan

La scuntrada d'orientaziun l'entschatta avrel 2015 n'ha betg pudì mitigar la situaziun.

Anc questa primavaira vulan ils possessurs da segundas abitaziuns a Mustér fundar in'uniun. Blers possessurs èn malcuntents cun las novas taxas e vulan s'organisar entaifer in'uniun. Christian Peyer da Muri (AG), in dals iniziants da questa cuminanza d'interess ha ditg envers l'ANR ch'i dettia gia radund 100 interessents. La finamira saja d'avair tranter 200 e 300 commembers.

Finamiras da quest'uniun

  • represchentar ils possessurs da segundas abitaziuns, giasts da vacanzas ed affittaders permanents envers las instituziuns publicas e las organisaziuns privatas
  • s'engaschar en favur da taxas e taglias commensuradas e per il niz liant da quellas
  • collavurar cun las instituziuns localas, chantunalas e naziunalas
  • s'engaschar en favur d'in svilup turistic persistent en la regiun
  • tgirar il contact tranter ils commembers e la populaziun da Mustér

Quest'uniun saja necessaria perquai che numerus possessurs da segundas abitaziuns na sajan betg cuntents cun l'agir da las autoritads. La moda e maniera da l'agir saja inacceptabla, ha Christian Peyer punctuà.

La cuminanza d'interess saja er s'occupada cun las entradas sin fundament da la lescha da turissem nova. Tenor lur calculaziun derivan radund 700'000 dals 1,2 milliuns francs da segundas abitaziuns, pia passa la mesadad. Quai saja 270% dapli che quai ch'ils possessurs pajavan avant la revisiun da la lescha da turissem.

Artitgels legids il pli savens