Siglir tar il cuntegn

Header

Navigaziun

Il vitg da Flem.
Legenda: Flem è ina vischnanca cun bleras abitaziuns secundaras. RTR, Linus Livers
cuntegn

Surselva Possessurs d'abitaziuns secundaras s’inscuntran a Turitg

Ils possessurs da chasas da vacanzas sa dostan encunter las taxas turisticas ch’èn creschidas considerablamain ils davos onns. Els s'inscuntran ils 28 da mars a Turitg.

En l’entir chantun Grischun davent da l’Engiadina Bassa sur Tavau fin Tujetsch datti gruppas d’interess che n’èn betg cuntents cun l’agir da las autoritads da vischnancas e dal chantun. Las 13 gruppas d’interess da possessurs d'abitaziuns secundaras dumbran circa 5’000 commembers.

Jgnaz Derungs che presidiescha la gruppa d’interns da possessurs d'abitaziuns secundaras da Breil e conturn ha clamà ensemen las gruppas d’interess e tuttas 13 han dà suatientscha. Las suprastanzas da quellas gruppas s’entaupan ils 28 da mars a Turitg.

Sco quai che Derungs ha ditg ad RTR na possian ins betg spetgar resultats a l'emprim inscunter -– i giaja persuenter d'emprender d’enconuscher in l’auter e per sondar ils interess communabels.

RR actualitad 12:00