Siglir tar il cuntegn
Inhalt

Surselva Plan da master Mundaun – anc betg a fin

La cumissiun directiva dad Infra Mundaun SA deplorescha il «na» da Glion – il project duai dentant vegnir persequità vinavant.

Vista da l'alp Dutga sin la Foppa. Da maun seniester il Piz Mundaun.
Legenda: Era senza Glion duai la societad d'infrastructura communabla vegnir persequitada. Keystone

Suenter ch'il plan da master ha fatg naufragi a Glion è la cumissiun directiva dad Infra Mundaun SA sa radundada per tschertgar alternativas. Il project cun la finamira da fundar ina societad d'infrastructura communabla duai vegnir persequità vinavant era senza Glion: cun la vischnanca Sursaissa Mundaun, cun la vischnanca Lumnezia e cun las pendicularas Sursaissa Mundaun. Basond sin la tenuta positiva da las duas vischnancas duai bainbaud esser pussibel da decider pertutgant la cuntinuaziun dal project.

Il plan da master Mundaun vul stgaffir ina societad d'infrastructura communabla. Quella duai promover l'infrastructura d'enviern sco era da stad, sco per exempel sendas da viandar ni da bike.

RR novitads 14:00