Ina da las duas gruppas da cristal ch'èn vegnidas chattadas l'onn 2003 sut il Péz Regina en la Val Lumnezia è turnà en il Grischun. La possessura dal gigant, la fundaziun per cultura, art ed istorgia da Winterthur empresta il cristal per trais emnas a la biblioteca da la citad da Cuira. Suenter astga il Museum Regiunal Surselva a Glion preschentar il stgazi. Il 2023 vegn il cristal exponì a Lumbrein, datiers da la segunda gruppa da cristal.
Grond plaschair che ella turna puspè a chasa.
Michael Flepp veva chattà il furn l'onn 2000. Ensemen cun ses collega Alfons Derungs han els duvrà 4 onns per deliberar e purtar ils cristals ord ina profunditad da 15 meters. Las gruppas da cristal èn vegnidas exponidas sin l'entir mund.
Las duas gruppas da cristal han omaduas ina paisa da radund ina tonna. Ellas valan sco las pli grondas ch'èn insumma vegnidas chattadas en las Alps.
Ord l'archiv:
