Il cussegl da scola ha elegì Peter Kreiliger sco nov mainascola per il Consorzi da scola Sumvitg / Trun. L'um da 52 onns surprenda quest post a partir da l’emprim d’avust en in pensum da 60%.
Peter Kreiliger ha tranter auter lavurà plirs onns sco schurnalist e producent tar Radiotelevisiun Svizra Rumantscha. Plinavant ha el manà il program da furmaziun «mySchool» dad SRF ed il Center da furmaziun Surselva a Glion.
RR novitads 11:00