Siglir tar il cuntegn

Surselva Perscrutar energia alpina cun nov center a Mustér

La gievgia suentermezdi è vegnida fundada a Mustér la fundaziun «Center alpin da perscrutaziun d’energia». La finamira è da promover l’energia che po vegnir producida en las Alps.

Ina funtauna d'energia alpina è l'aua - qua il lai da fermada en la Val Nalps sisum la Surselva.
Legenda: Ina funtauna d'energia alpina è l'aua - qua il lai da fermada en la Val Nalps sisum la Surselva. Keystone

Ils chantuns da muntogna duain prender influenza sin la midada dal clima. Quai na duai però betg mo succeder politicamain, mabain er cun crear e generalisar savida. Per questa raschun èsi vegnì fundà a Mustér in center alpin per la perscrutaziun d'energia, rapporta l'Agentura da novitads rumantscha.

La fundaziun «AlpEnForCe» sa fa tschenta tranter auter cun dumondas da la tecnica, da las scienzas sco er cun l'economia regiunala e collavura cun differentas instituziuns da perscrutaziun naziunalas ed internaziunalas.

Ils resultats da perscrutaziun vegnan lura elavurads e dads vinavant en furma da products. Quels duain furmar la basa per projects e per las cundiziuns politicas.

Il cussegl da la fundaziun vegn presidià dal deputà Heinrich Berther da Mustér. Il domicil da la nova fundaziuns è en la claustra da Mustér.

RR novitads 06:00