Siglir tar il cuntegn
cuntegn

Surselva 'Per mintga gi' porscha puspè ina carta cun nums da funs

La 96avla ediziun dal chalender popular per las valladas renanas, las parts refurmadas da la Sur- e Sutselva, ha per la quarta giada sco supplement ina carta cun nums da funs.

Manfred Veraguth e Johann Clopath
Legenda: Manfred Veraguth (san.) e Johann Clopath (dretg) cun il chalender 'Per mintga gi' 2017. RTR, Carlo Albin

Aschuntada al chalender 'Per mintga gi' 2017 è ina carta geografica. La carta mussa fotografias da la regiun Ziràn-Reschen, aschuntadas èn indicaziuns dals nums da funs.

Gia ils davos onns hai dà trais cartas sumegliantas. Ina che mussa la regiun ed ils nums da funs da la Muntogna da Schons, ina per la regiun dal Signina cun las vischnancas Castrisch enfin Duin, ed ina carta che mussa la regiun en il nord da Glion davent da Vuorz enfin Ladir.

Cartas cun nums da funs èn in success

Cun la quarta carta da la regiun Ziràn-Reschen n'è la seria dentant anc betg a fin. Ils dus redacturs Johann Clopath (part sutsilvana) e Manfred Veraguth (part sursilvana) han confermà che talas cartas vegnian era ils proxims onns ad esser aschuntadas al chalender 'Per mintga gi'. La finamira saja da crear uschia ina carta per l’entir intschess da las valladas renanas.

RR actualitad 12:00