Siglir tar il cuntegn

Header

cuntegn

Surselva Pendicularas Sursaissa e Mundaun: 20% dapli giasts

Quai è sur la media dal Grischun che ha gì 6,5% dapli giasts l'enviern passà.

Las duas interpresas Pendicularas Sursaissa e las Pendicularas Piz Mundan SA èn independentas, mo ellas lavuran stretg ina cun l’autra. La pendiculara nova dad Untermatt si Stein è numnadamain in project communabel che collia quellas duas interpresas.

In quint sumegliant

Il quint da quellas duas interpresas è cumparegliabel, ensemen han ellas fatg ina svieuta da bunamain 10 milliuns francs e quai è quasi mez a mez. Entant che las Pendicularas Sursaissa SA pajavan anc tochen l'onn passà mintgamai dividendas da radund 160'000 francs desistan ellas quest onn da far quai. Quai aveva Josef Brunner, il president das omadus interpresas gia annunzià l'onn passà. La raschun è ch'els vulan survegnir ils daners d'investiziun dal chantun cun meglras cundiziuns. Quai per realisar la pendiculara nova dad Untermatt a Stein. Quella pendiculara remplazza il runal da Gischniga che tutga medemamain ad omaduas interpresas.

RR novitads 12:00

Artitgels legids il pli savens