Siglir tar il cuntegn
Inhalt

Surselva Pendicularas Sursaissa cun bun quint

Tant las pendicularas da Sursaissa sco era quellas da Mundaun han pudì far frunt a las turbulenzas dal curs da stgomi, ed a la mancanza da naiv avant Nadal.

Territori da skis.
Legenda: Territori da skis. RTR

Quai saja surtut d'attribuir al fatg ch’ils cussegls d’administraziun hajan decis in curs da stgomi fix dad 1 franc e 20 per 1 euro, scrivan las duas societads en lur rapports da fatschenta, sco il Bündner Tagblatt annunzia. Quest'acziun haja procurà sur ils cunfins ora per in grond eco. Tuttina sajan las emprimas entradas sa reducidas per pli pauc che 10%.

Cifras nairas grazia a respargns

Omaduas societads preschentan cifras nairas per l'onn da fatschenta 2014/15. Las pendicularas Piz Mundaun SA ha cuntanschì in cashflow da var 1,7 milliuns francs, quai cun sbassar las expensas da manaschi per bunamain 8%. Las pendicularas da Sursaissa han schizunt nudà in cashflow da record cun passa 2,6 milliuns francs. D’ina vart ha Sursaissa nudà in minus da 4 pertschient tar la svieuta, da l’autra vart èn las expensas vegnidas reducidas per passa 8%.

RR Novitads 06:00