Siglir tar il cuntegn
cuntegn

Surselva Pendicularas Mustér cun grond deficit

Las Pendicularas da Mustér han fatg l'onn da fatschenta passà in deficit da bunamain 1,5 milliuns francs. Quai scriva l'Agentura da Novitads Rumantscha. Quai saja ina consequenza d'in enviern cun pauca naiv.

Staziun da la pendiculara a Caischavedra.
Legenda: Staziun da la pendiculara a Caischavedra. RTr,Gion Hosang

Las Pendicularas Mustér han gì entradas da 4,7 milliuns francs, quai èn 200'000 francs damain che l'onn avant. Las expensas dal manaschi han cuntanschì 4,9 milliuns francs, quai èn var 300'000 francs damain ch'avant in onn. Il deficit sa resulta dals 200'000 francs damain entradas sco era d'amortisaziuns da var in milliun francs e taglias.

Per l'avegnir speran las pendicularas da Mustér cun meglieraments, cunzunt grazia al Ressort Catrina ch'è planisà gist sper la staziun da val e grazia ad indrizs d'ennavar en il territori da Caischavedra-Péz Ault. Las investiziuns da var 90 milliuns francs duain gidar da meglierar la situaziun. Ultra da quai vulan las Pendicularas Mustér SA augmentar massivamain lur preschientscha en las medias online.

RR novitads 06:00