Siglir tar il cuntegn

Surselva Pendiculara Cassons na duai betg vegnir renovada

La suprastanza da Flem sustegn la varianta Y per il territori da skis sur Flem. Quai ha ella decidì durant ina dieta en clausura.

La cabina da cassons
Legenda: Sch'i va tenor la suprastanza da Flem na vegn la pendiculara da Cassons betg renovada. mad

Questa varianta preveda tranter auter da betg renovar la pendiculara da Cassons. Realisticamain saja quai la suletta varianta pussaivla. Quai mussian era las posiziuns da las uniuns per ambient e dals differents uffizis chantunals e federals.

Per entschaiver la planisaziun detagliada, dovri in credit da planisaziun da frs. 400’000.-. La mesadad da quest credit vegnia pajà da l’Arena Alva.

La votaziun davart quest credit vegn ad esser il settember. Ina argumentaziun detagliada per questa decisiun suondi cun il messadi per la votaziun.