La Dretgira administrativa dal chantun Grischun aveva decidì che duas firmas dal Tessin pon rumir la naiv ils proxims diesch onns. Questa decisiun tira vinavant al Tribunal federal a Losanna la cuminanza da lavur Berther Construcziun ed Industria SA (Mustér), Scaresa SA (Blenio) e Bundi Transports (Curaglia) ch'ha enfin uss rumì la naiv. Uschia rapporta La Quotidiana.
Il recurs sa drizzia en emprima lingia al lieu, nua che las maschinas vegnan deponidas. Quel na saja betg definì exact en l'offerta ed il conturn na saja betg adattà a l'intent.
Sche la cuminanza da lavur Berther, Scaresa e Bundi perdan avant il Tribunal federal, giajan a perder otg plazzas da lavur durant l'enviern, quatter da la vart grischuna e quatter da la vart tessinaisa.
Il volumen da lavur da l'incarica munta ad in mez milliun francs.
Per tadlar curt e concis:
