Il pass da l'Alpsu, ch'è stà serrà durant l'enviern vegn puspè avert a partir da damaun a las 8:00, communitgescha la direcziun da construcziun dal chantun Uri.
Il pass che collia la via tranter Andermatt/Ursera e Mustér è cunquai l'emprim pass dal chantun Uri che vegn puspè avert suenter l'enviern.
Ils pass dal Gottard e dal Clausen vegnan probablamain averts ils 22 da matg, quel dal Furka ils 3 da zercladur ed il pass dal Susten ils 12 da zercladur.