Els hajan prendì enconuschientscha dal cuntegn dal project e sajan conscients da las grondas pussaivladads da svilup che uschè in project purta a lur val e a las autras regiuns pertutgadas. Quai han ils trais cussegls communals da la Val dal Blegn scrit en ina communicaziun.
Inscunter cun l’uniun dal Parc Adul
Las utlimas emnas èn ils cussegls communals da Serravalle, Blenio ed Acquarossa s’entupads cun la direcziun da l’uniun dal Parc Adula per far bilantscha da la situaziun. Tar quests inscunters ha il president da la cumissiun da direcziun da l'uniun Fabrizio Keller infurmà davart las midadas e las propostas ch’èn vegnidas fatgas las emnas passadas.
Il november vegn vuschà
L’october dat i anc ina saira d'infurmaziun en las regiuns pertutgadas. Là vegnan lura era distribuids ils documents per la votaziun dals 27 da november. Quai è la data cura ch'i vegn vuschà davart il Parc Adula.
RR novitads 17:00