Siglir tar il cuntegn
cuntegn

Surselva Parc Adula: A Val S. Pieder vegnan derasadas las parolas

La suprastanza communala e las Ovras Electricas Zervreila cusseglian da dir NA. L'organisaziun turistica da Val S. Pieder Visit Vals percunter cusseglia da dir GEA.

La vischnanca da Val decida già il venderdi saira en radunanza communala sur dal Parc Adula.
Legenda: La vischnanca da Val decida già il venderdi saira en radunanza communala sur dal Parc Adula. RTR, Linus Livers

GEA da Visit Vals

Il president dal cussegl d’administraziun da Visit Vals, Moritz Schmid, vesa en il parc naziunal Parc Adula ina schanza turistica unica. Uschia ina schanza na turnia mai pli, manegia el. Plinavant di Moritz Schmid, che la pussaivladad ch’ins possia visar en diesch onns il contract dal parc fetschia la decisiun da dir GEA anc pli simpla.

NA da la vischnanca Val e da las Ovras Zervreila

Stefan Schmid, il president communal da Val.
Legenda: Stefan Schmid, il president communal da Val. RTR, Linus Livers

Ord chasa communala datti tut auters tuns. La suprastanza communala cusseglia da dir NA. La malsegirtad saja memia gronda di il president da vischnanca Stefan Schmid.

La pussanza da las organisaziuns per la protecziun da l’ambient creschiss cun in gea al parc. Stefan Schmid na parta dentant betg il maini da las ovras electricas che teman da stuair spazzar il mir da fermada Zervreila tar in gea. Ma franc stoppian las ovras electricas quintar cun restricziuns en il cas ch’ellas vulan renovar lur implants, manegia el.

I na dettia betg in foss tras la vischnanca pervia da la discussiun sur dal Parc Adula, di Stefan Schmid.
Legenda: I na dettia betg in foss tras la vischnanca pervia da la discussiun sur dal Parc Adula, di Stefan Schmid. RTR, Linus Livers

Novas allianzas sur foss vegls

I va ussa vi e nà a Val, e quai ha perfin in avantatg. A Val vegnan furmadas novas allianzas. Persunas ch’eran adversaris pervia da la vendita dal Hotel Therme èn tuttenina da la medema vart e fan reclama per ni encunter il parc naziunal Parc Adula.

Tranter auter èn quai Remo Stoffel ed in da ses pli gronds adversaris Peter Schmid, che tiran omadus tuttenina vi da la medema suga ed en la medema direcziun.

RR actualitad 07:00